Artrwanda ni umushinga, watangijwe muri Nzeri 2018, ugamije kugaragaza no gushyigikira urubyiruko rw’Abanyarwanda bafi¬te impano zibarizwa mu cyiciro cy’Inganda Ndangamuco (Creative Arts Industry).
Uyu mushinga ugizwe n’irushanwa rinyuzwa kuri televiziyo hagamijwe gushakisha no kugaragaza urubyiruko rufi¬te impano zidasanzwe mu Bugeni, Indirimbo n’Imbyino, Imideri, Ikinamico n’Urwenya, Filimi no Gufata amafoto ndetse n ‘impano mu Busizi n’Ubuvanganzo.
Iyi gahunda izashyirwa mu bikorwa n’Umuryango Imbuto Foundation ku bufatanye na Minisiteri y’urubyiruko, Minisiteri ya Siporo n’ Umuco hamwe n’Inteko Nyarwanda y’Ururimi n’Umuco (RALC).
Binyuze muri iyi gahunda:
• Urubyiruko 2400 rwitabiriye irushanwa mu gihugu cyose.
• Urubyiruko 68 batsinze ku rwego rw’igihugu ndetse babasha kw’itabira Incubation Phase
• Abahanzi 6 barushije abandi, baturutse muri buri cy’iciro, bahembwe amafranga agera kuri miliyoni 1 million.
YYAS ni gahunda yateguriwe abanyeshuri biga mu mashuri yisumbuye ibafasha gusobanukirwa uko basaba kwemererwa kwiga muri za kaminuza zo muri Amerika.
Ibi bikorwa binyuze mu biganiro, amahugurwa ndetse n’ibizami byo kwimenyereza.
Iyi gahunda ishyirwa mu bikorwa ku bufatanye bwa Higher Life Foundation na Yale University.
Binyuze muri uyu mushinga:
• Abanyeshuri 69 bagiye muri iyi porogaramu
• Abanyeshuri 38 baheruka gusoza amashuri, basabye kujya kwiga muri za kaminuza.
• Hamaze gutegurwa inama 2 zihuza abarezi 47 bo mu bihugu bya Afurika.
Umushinga wa ‘Rwanda Speaks !’ ugamije gutoza urubyiruko gutinyuka kuvugira mu ruhame ubumenyi no kuvuga rushize amanga. Ibi bikorwa binyuze mu kwitoza bihoraho mu matsinda y’abayobora ibiganiro, no gutegura ibiganiro mpaka.
Ibi bikorwa mu buryo bwo gufasha abantu kwiyungura ubumenyi binyuze mu matsinda akora ibiganiro mpaka ku rubyiruko rutiga (hagati y’imyaka 16 na 22), n’amatsinda ahuza urubyiruko ruri hagati y’imyaka 18 na 30, agamije kubafasha gukarishya ubwenge mu kuyobora ibiganiro.
Binyuze muri uyu mushinga:
• Amatsinda y’abayobora ibiganiro yamaze gutangizwa muri kaminuza 2 (Kaminuza Nkuru y’u Rwanda ndetse na Kaminuza y’u Rwanda Ishami ry’Ubumenyi n’Ikoranabuhanga), ndetse n’indi ya gatatu yashinzwe n’abashoje amashuri muri izo kaminuza.
• Abanyamuryango 446 bafashijwe kwinjira muri aya matsinda.
Innovation Accelerator (http://iaccelerator.rw/) cyangwa iAccelerator ni gahunda yashyizwe mu bikorwa na Imbuto Foundation ku bufatanye bwa UNFPA n’ikigega cy’Abongereza giharanira iterambere ‘UK Aid – from the British people’.
iAccelerator ni gahunda y’imenyerezamyuga igizwe n’irushanwa ryagenewe urubyiruko hagamijwe guteza imbere umuco wo kwihangira imirimo mu rubyiruko. Iyi gahunda inashishikariza urubyiruko gutekereza mu buryo bwagutse ku bibazo bijyanye n’ubuzima bw’imyororokere.
Binyuze muri uyu mushinga:
• Amatsinda ane yabonye inkunga ingana n’amadorali ya Amerika 10,000 kugira ngo batangize ndetse banashyire mu bikorwa imishinga yabo.
Umushinga w’ubujyanama bugenerwa urubyiruko ni umwe mu mishinga ishyirwa mu bikorwa n’ Imbuto Foundation igamije kwita ku rubyiruko yatangijwe muri 2007.
Mu ishyirwa mu bikorwa ry’iyi mishinga hategurwa ibikorwa bitandukanye ku rwego rw’igihugu bigamije guha urubyiruko ubumenyi, kongera ubufatanye, kubaka ubushobozi no gutera inkunga imishinga mito yabo.
By’ Umwihariko, umushinga w’Ubujyanama bugenerwa urubyiruko watangijwe muri 2013, utangirana n’itsinda ry’abakobwa, hagamijwe kubatoza gusesengura, gutekereza byagutse, kugira intego, kumenya kwifatira ibyemezo no kububakamo icyizere. Uyu mushinga ugiye gusozwa nyuma y’imyaka itatu, iri tsinda ry’abakobwa ryasabye Nyakubahwa Madamu Jeannette Kagame ko yatangiza gahunda isa niyo barimo, ikagenerwa basaza babo b’abanyamuryango ba AERG (Umuryango w’Abanyeshuri barokotse Jenoside yakorewe Abatutsi).
Mu mwaka wa 2016 nibwo hatangijwe gahunda y’ubujyanama bugenerwa urubyiruko rw’abasore, aho bahurijwe mu ihuriro ry’urubyiruko ryahawe insanganyamatsiko ‘Strong and Dignified’, hagamijwe ubujyanama no kubatoza kumenya gufata inshingano zo kuyobora. Ibiganiro by’iri huriro byibanze ku ihungabana nka kimwe mu bihe bikomeye uru rubyiruko rubamo mu buzima bwa buri munsi byatewe na Jenoside yakorewe Abatusi mu 1994.
Binyuze muri uyu mushinga:
• Urubyiruko rw’abakobwa 325 bagezweho n’ umushinga w’ubujyanama bugenerwa urubyiruko.
• Mu bakobwa 325 bagezweho na gahunda y’ubujyanama bugenerwa urubyiruko, 112 nabo babaye abajyanama nyuma yo gusoza gahunda.
• Urubyiruko rw’abasore 200 bagezweho n’ubujyanama bugenerwa urubyiruko.
• Mu mushinga w’ubujyanama bugenerwa urubyiruko, dufite abajyanama 214.
• Muri gahunda y’ihuriro ry’urubyiruko, hamaze gutegurwa amahuriro 28, yageze ku rubyiruko 7, 929.
Iyi gahunda ihuriza hamwe urubyiruko mu ngeri zitandukanye rwo mu Rwanda ndetse hakazamo n’abantu b’intyoza mu kuvuga bakaganira ku ngingo zitandukanye harimo ku kwihangira imirimo kugeza ku kwigira ku bijyanye n’ubukungu.
Ibikorwa bya forumu yibanda ku rubyiruko rwiga mu za kaminuza, abarokotse Jenoside, ba rwiyemezamirimo bato ndetse n’ababa mu mahanga.
Uyu mushinga ugamije gufasha abagenerwabikorwa bawo n’imiryango yabo kongera kubaka bundi bushya sosiyete iri mu gace baherereyemo.
Binyuze muri uyu mushinga:
• Youth Forum Series 28 zarakozwe.
• Urubyiruko 7,929 rwagejejeho iyi gahunda.
• Abatanga ibiganiro 138 baratumiwe baranitabira iyi gahunda.
Gutanga ibihembo ku rubyiruko rw’abanyarwanda rw’indashyikirwa, byatangijwe mu Kuboza 2007 gahamijwe guha agaciro ibikorwa by’urubyiruko rw’Abanyarwanda bageze ku bikorwa by’indashyikirwa haba mu buzima bwabo bwite cyangwa ibikorwa bagezeho bijyanye n’ibyo bize.
Gutanga ibihembo bikorwa buri myaka ibiri ku bufatanye na Minisiteri y’Urubyiruko. Kugeza uyu munsi , abantu 48, ibigo bya leta ndetse n’ibikora ubucuruzi byahawe ibihembo binyuze muri Youth Connekt Champions (CYRWA).
Abahabwa ibihembo batoranywa binyuze muri rubanda naho abagera mu cyiciro cya nyuma bagatoranywa na Imbuto Foundation.
Binyuze muri uyu mushinga:
• Urubyiruko rw’abahungu n’abakobwa rugera kuri 48 rwarahembwe biturutse ku bikorwa by’indashyikirwa rwakoze.
• Ibirori byo gutanga ibihembo bimaze gukorwa imyaka 6.
• Ibyiciro 10 By’ Inganda bimaze kugaragara muri aya marushanwa